गृह मन्त्रालयले आन्दोलनको नाममा राजमार्ग तथा मुख्य व्यापारिक नाका बन्द नगर्न आग्रह गरेको छ । सेवा केन्द्र स्थापनाको निर्णयको समर्थन र विरोधमा बारामा भइरहेको आन्दोलनप्रति गम्भीर ध्यानाकर्षण भएको गृह मन्त्रालयले जनाएको छ ।
मन्त्रालयले विज्ञप्ती निकालेर आवागमन नै बन्द गर्ने, राजमार्गमा अवरोध गरी आपूर्ति व्यवस्थालाई अवरुद्ध पार्ने, सार्वजनिक सम्पत्ति तोडफोड तथा आगजनी गने कार्य नगर्न मन्त्रालयलले अनुरोध गरेको छ
साथै वार्ताको माध्यमबाट समाधान गर्न पटकपटक प्रयास भइरहँदा पनि हालसम्म कुनै सुधार नभएको मन्त्रालयले जनाएको छ । कसैले कानुन हातमा लिई गैरकानुनी काम गरे कानुनबमोजिम कारबाही हुनेतर्फ गृह मन्त्रालयले सचेत गराएको छ ।
