विराटनगर । यसैविच प्रहरीले खैरो हिरोईन सहित एक जनालाई पक्राउ गरेको छ । मोरङ बेलबारी नगरपालिका – ८ का गउथली चोकका २९ वर्षिय कमान सिंह राई ब्राउन सुगर (खैरो हिरोइन ) सहित पक्राउ परेका हुन् ।
प्रहरीले बिराटनगर महानगरपालिका १५ चाईना मार्केट स्थितबाट १ नं. प्रदेश प्रहरी कार्यालय बिराटनगरबाट खटिएको लागूऔषध ब्युरोको टोलीले राईलाई पक्राउ गरेको मोरङ प्रहरीका प्रवक्ता डिएसी मानबहादुर राईले जानकारी दिनुभयो । भारत जोगवनीबाट नेपालतर्फ आउदै गरेको क्रममा शंका लागी चेकजाँच गर्दा राईको साथबाट खैरो हिरोइन बरामद गरेको प्रहरीले जनाएको छ । प्रहरीले उनको साथबाट १५ ग्राम बरामद गरेको छ । प्रहरीले राईको साथबाट बरामद गरेको खैरो हिरोइन भारतको जोगवनीबाट ५० हजार खरिद गरी सेवन र विक्री गर्न ल्याएको पाइएको छ । 
पक्राउ परेका राईले प्रति डोज १ हजार देखि १ लाख रुपैयाँसम्ममा बेच्ने गरेको प्रहरीले जनाएको छ । पक्राउ परेका राईलाई जिल्ला अदालत मोरङमा म्यात थप गरि इलका प्रहरी कार्यालय रानी विराटनगरमा राखेर अनुसन्धान भईरहेको मोरङ प्रहरीले जनाएको छ ।
