विराटनगर । आर्थिक अभावमा अस्पतालमै बस्न बाध्य भएका एक बालिकाको चन्दा उठाएर डिस्चार्ज गरिएको छ ।
सुनसरीको कालाबञ्जार बस्दै आका उमेश बराईलीकी ५ वर्षीया छोरी देवीका बराइलीको अस्पतालबाट उद्दार गरिएको हो । गत ५ फागुनमा आगो ताप्दै गरेको अवस्थामा देवीकाको २० प्रतिशत शरीरको भाग जलेको थियो । नोबेल हस्पिटलमा उपचार हुन नसकेपछि म्याक्स अस्पतालमा भर्ना गरिएको थियो । बालिकाको उपचारमा आर्थिक अभाव भएपछि विराटनगरमा रहेको परिवर्तनका लागि हातेमालो समूहको अगुवाईमा गोपाल कट्टुवालले सहयोग गरेका थिए । देवीका बराइली बचाउ अभियानमा गोपाल कट्वाल, सामाजिक अभियान्ता सरोज कोइराला हातेमालोका अध्यक्ष विनोद चाहारलगायतको पहलमा बिरामीलाई डिस्चार्ज गरी घर पठाइएको हो ।
