बिराटनगर । वीपी कोइराला स्वास्थ्य बिज्ञान प्रतिष्ठान धरानको आईसोलेसनमा उपचाररत एक जना कोरोना संक्रमितको मृत्यु भएको छ ।
सिरहाको गोलबजार नगरपालिका घर भएका २३ वर्षीय युवकको कोरोनाको कारण मृत्यु भएको हो ।
मिर्गौलाको बिरामी रहेका उनलाई बुधबार जनकपुरमा कोरोना पुष्टि भएपछि थप उपचारको लागि धरान ल्याईएको थियो । जनकपुरबाट रिफर भएर आएका उनको बिहीवार राती १० बजेर ४५ मिनेटमा निधन भएको प्रतिष्ठानका प्रवक्ता डा.निदेश सापकोटाले जानकारी दिनुभयो ।
