जारी "गिरिजा प्रसाद कोईराला स्मृति कप फूटबल प्रतियोगिता"को अन्तिम क्वार्टर फाइनल खेल सम्पन्न भएको छ ।
जयरामपुर युवा क्लब विरुद्ध मिलन चौक युवा क्लब जहदाको बिच भएको उक्त अन्तिम क्वार्टर फाइनल खेलमा मिलन चौक युवा क्लब बिजयी भएको छ । खेलको दोश्रो हाल्फको ७ औं मिनेटमा जयरामपुर युवा क्लबले गोल गरेर १-० को अग्रता लिएपनि ९औ मिनेटमा मिलन चौक युवा क्लबले गोल फर्काएर १-१ को बराबरी बनाएको थियो ।
खेलको पुरा समयमा बराबरी भएपछि पेनाल्टीमा पुगेको खेलमा मिलन चौक युवा क्लब बिजयी भएको थियो । भोली प्रतियोगिताको पहिलो सेमिफाइनल खेल अर्ना बियर फुटबल टिम विरुद्ध जहदा आदर्श युवा क्लब बिच हुनेछ ।
प्रतियोगिता लोयल युथ कम्युनिटि र जिपि फाउन्डेसनको संयुक्त आयोजनामा भइरहेको छ ।
