विराटनगर । हास्य कलाकारका पिता भनेर चिनिदै आएका मनोज गजुरेल हिमालय दर्शन कलेज विराटनगरले आयोजना गर्न लागेको २ दिने अभिमुखिकरण कार्यक्रममा सहभागिता जनाउने भएका छन् ।
विराटनगरमा रहेको मेरिल्याण्ड र शिक्षादीप कलेजको संयुक्त व्यवस्थापनमा संचालित हिमालय दर्शन कलेजले यसैवर्षको शैक्षिक सत्रमा नयाँ भर्ना भएका विद्यार्थीहरुको लागि २ दिने अभिमुखिकरणको लागी विराटनगर बाहिर लाने भएको छ ।
कलेजमा विएचएम. विआइएम, विसिए, वि.एस.सि. सिएसआइटि कार्यक्रमहरूमा भर्ना भएका १३४ जना विद्यार्थीहरुलाई चैत्र २० र २१ गते धनकुटा जिल्लामा रहेको होटल होराईजन एण्ड रिर्पोटमा २ दिने अभिमुखीकरणको लागी लैजाने तयारी गरेको कलेजका डाईरेक्टर भेषराज पोखरेलले जानकारी दिनुभयो ।
२ दिने अभिमुखिकरण कार्यक्रममा विद्यार्थीलाई विश्वविद्यालयको शैक्षिक परार्मशसँगै विद्यार्थीलाई आचारसंहिता र नैतिक आचरणबारे अभिमुखिकरण गराईने कलेजका प्रिन्सीपल भरत सापकोटाले जानकारी दिनुभयो ।
