नेपाल बैंक लिमिटेडको विराटनगरस्थित बजारअड्डा शाखाको नयाँ भवनको शिलान्यास सम्पन्न भएको छ ।
मेनरोड पहिलेको होटल नमस्कार भएको स्थान अघिको खाली जग्गामा आफ्नै भवन गर्ने गरि शाखाले आज शिलान्यास सम्पन्न गरेको हो ।
बैंकका प्रदेश एक प्रमुख सुर्यप्रकाश भट्टले शिलान्यास गर्नु भएको उक्त अवसरमा झुम्का, दुहबी, इटहरी, विराटचौक, मिल्स एरिया, रंगेली लगायतका नेपाल बैंक लिमिटेडका शाखाहरुका ब्रान्च प्रबन्धकहरुको उपस्थिति रहेको थियो ।
बजारअड्डा शाखाले तिन तल्ले कार्यालय भवन निर्माण गर्न लागेको छ। हाल उक्त शाखाले रेनबो गल्लीमा भवन भाडामा लिएर कार्यालय संचालन गरिरहेको छ ।
भवन निर्माणको जिम्मा स्वामी निर्माण सेवा धरानले लिएको छ ।
