विराटनगर क्षेत्रमा १५ सय रुपैयामा नै कोभिड १९ को पिसिआर परीक्षणको व्यवस्था बी–स्योर प्याथल्याब तथा डायग्नोस्टिक सेन्टरले गरेको छ ।
पछिल्लो समय नयाँ भेरियन्टको कोरोना संक्रमण बढ्दै गइरहेकाले उक्त दरमै परिक्षण सेवा दिन थालेको बि–स्योर ल्याबका व्यवस्थापक शरद रेग्मीले जानकारी दिए ।
बि स्योर ल्याब विराटनगर–४ बरगाछीदेखि करिब पाँच सय मिटर उत्तर पुरानो अच्युत मिल छेउमा सञ्चालीत रहेको छ । नेपालका प्रतिष्ठीत उद्योगी तथा व्यवसायी महेश जाजु, देवेनरा ग्रुपका संञ्चालक प्रकाश मुन्दडा र रिजाल ग्रुपका अध्यक्ष नविन रिजालले संयुक्तरुपमा सञ्चालनमा ल्याएको उक्त ल्याबले सुरुवात देखि नै सस्तो दरमा कोभिड १९ परिक्षण गर्दै आएको छ ।
प्रतिष्ठित उद्योगी तथा व्यवसायीहरुले महामारीको समयमा संचालन गरेको भएकाले मुनाफा आर्जन गर्ने भन्दा पनि सेवाको भावनाले ल्याबको संचालन भईरहेको व्यवस्थापक रेग्मी बताउछन् ।
सरकारी मापदण्ड पुरा गरी गुणस्तरीय प्रविधिबाट परीक्षण गरिने भएकाले ल्याबका परीक्षण सबै तिर मान्य हुने गरि एकै दिनमा परीक्षण नतिजा आउने गरेको रेग्मीले जानकारी दिए ।
यस अघि गत माघमा पीसीआर परिक्षणमा सवैको पहुँच पुगोस र सहजरुले कोरोना परिक्षण हुन सकोस भनि बि-स्योरले रु एक हजारमै परिक्षण सेवा दिएको थियो ।
