विराटनगर । कोरोना संक्रमित भई होम आईसोलेशनमा बसेका विराटनगर महानगरपालिकाका नागरिकलाई निःशुल्क स्वास्थ्य परामर्शका लागि ३० सदस्यीय चिकित्सकको समूह परिचालन गरिने भएको छ ।
संक्रमित नागरिकले आफ्नो अवस्थाको बारेमा विभिन्न चिकित्सकसँग स्वास्थ्य सल्लाह तथा सुझाव लिन पाउने गरि महानगरपालिकाले व्यवस्था गरेको हो । विभिन्न क्षेत्रका विशेषज्ञ चिकित्सकहरुलाई आवश्यकता अनुसार संक्रमितले परामर्श लिनसक्ने भएका हुन् ।
