विराटनगर । विराटनगर महानगरपालिकालाई खोप अभाव भएको छ । महानगरले जम्मा जनसंख्याको १.७ प्रतिशत नागरिकलाई खोप लगाउने तयारी गरेपनि खोप अभाव भएको हो ।
जिल्ला खोप समन्वय समितिले ३ हजार ५४८ डोज खोप महानगरलाई उपलब्ध गराएको थियो । तर,महानगरपालिको भने तोकिएको उमेर समूह मात्रैनभइ अग्रपंक्तिमा खटिनेहरुलाई समेत खोप लगाउनु पर्दा अभाव भएको भन्दै जिल्ला प्रशासन कार्यालय मोरङ समक्ष अनुरोध गरेको हो । महानगरले ६२ वर्ष उमेर भन्दा माथिका नागरिकलाई खोप लगाउने कार्यक्रम राखेको छ ।
महानगरका प्रमुख प्रशासनिक अधिकृत कृष्ण बस्नेतले खोप अभाव भएकोले थप ५० प्रतिशत खोप डोज उपलब्ध गराउन माग गर्नु भएको छ ।
