विराटनगर । विराटनगर–८ अमरटोल निवासी राजकुमार श्रेष्ठको घरबाट नगद तथा चाँदीको सिक्री चोरेको आरोपमा प्रहरीले एकजनालाई पक्राउ गरेको छ । आज बिहानका राती २ बजे ५० हजार नगद र अढाई तोला चाँदीको सिक्री चोरी गर्ने विराटनगर–८ विश्वकर्मा टोलका अनिलकुमार यादवलाई पक्राउ गरिएको हो ।
प्रहरीले बुधबार बिहान १० बजे यादवलाई उनकै घरबाट पक्राउ गरेको प्रहरी नायव उपरीक्षक मानबहादुर राईले जानकारी दिनुभयो । पक्राउ गर्दा चोरीको नगद र सिक्री समेत बरामद भएकोले थप अनुसन्धान भईरहेको जानकारी दिइएको छ ।
