अप्पन विराटगढ परोपकार समाज र संमृध्दि नेपालले संयुक्त रुपमा विराटनगरमा राहत वितरण गरेका छन् । विराटनगर वडा नं ८ का अति विपन्न , एकल महिला, ज्येष्ठ नागरिकहरुलाई समाजसेवी ममता सुवेदी यातवको सहयोगमा राहत वितरण भएको हो ।
उक्त वडाका करिब २ सय ५ जनालाई राहत वितरण गरिएको समृद्धि नेपालको संस्थापक अध्यक्ष बिमला अर्यालले बताउनु भयो । उहाँहले स्थानीय सरकारले राहत वितरण नगरेकाले असहायहरु समस्यामा परेको जानकारी दिदै आफुहरुले राहत वितरण गरेको बताउनु भयो ।
यसै गरि अप्पन विराटनगढकि अध्यक्ष बसुन्धरा झाले राहतमा १० केजी चामल, दाल, आलु, नुन , सोयाबिन लगायतका सामाग्री वितरण गरिएको बताउनु भयो ।
विराटनगरको करिब १२ सय अति विपन्न घरपरिवारलाई राहत वितरण गर्ने लक्ष्य राखेर अभियान सुरु गरिएको समाजसेवी यादवले बताउनु भयो । उहाँले हालसम्म ५ सय परिवारलाई राहत उपलब्ध गराईसकिएको दाबी गर्नु भयो ।
