विराटनगर महानगरपालिकाको वडा नं १५ मा युवाहरुले मिलेर राहत वितरण सुरु गरेका छन् । धिरज मण्डलको नेतृत्वमा युवाहरुको समुहले चार चरणमा गरेर करिब १ सय ८० परिवारलाई राहत बाढेको हो । रामजानकी चौक , बाबाहल चौक, खत्वे टोल , भट्टा चौक लगायतका क्षेत्रमा राहत वितरण गरिएको धिरजले जानकारी दिनु भयो । उहाँले राहतमा चामल ५ केजि, दाल १ पाउ, आलु ३ केजी, १ पाउ सोयाबिन, नुन, भुजा बितरण गरेको बताउनु भयो ।
आपसमा उठाएर र केहि समाजसेवीहरुको सहयोगमा राहत वितरण गरिरहेको समुहले सामाजिक संजाल मार्फत समेत राहत संकलन गरिरहेको छ। ।
धिरजका साथै अभियानमा अमृत साह, अजय मण्डल, चन्दन मण्डल, राजन झा, रंजित मण्डल, अरबिन्द मण्डल र गणेश मण्डलको सहभागीता रहेको छ।
कसैलाई राहत आवश्यक परे आफुहरुलाई सम्पर्क गर्न सामाजिक संजालमा अपिल गरेपछि विराटनगरका अन्य वार्डका असहाय व्यक्तिहरुले समेत सहयोग माग्दै सम्पर्क गर्न थालेको धिरज बताउनु हुन्छ ।
