नेपाल स्काउटको ७०औ वार्षिकोत्सवको उपलक्ष्यमा विराटनगर महानगर स्काउट तदर्थ समितीले ३ चरणमा कार्यक्रम आयोजना गर्ने भएको छ । सो अनुसार आज पहिलो चरणको पहिलो दिनको कार्यक्रम अन्तर्गत तदर्थ समितिले विराटनगर महानगरपालिकाको ३ वडाहरुमा बिहानको खाजा स्वरुप पाउरोटी र पानी वितरण गरेको छ ।
पहिलो चरणको कार्यक्रम समितिका संयोजक दिवस राजवंशी नेतृत्वमा आज वडा नं १ , २ र ३ मा पाउरोटी र पानी वितरण भएको थियो । आज २ सय ५० जनालाई पाउरोटी वितरण भएको थियो। यस कार्यक्रमलाई क्रमैसँग सबै वडामा संचालन गरिने पुरानो स्काउटर उमेश कटुवालले बताए ।
कार्यक्रम मा प्रत्येक वडाका वडाअध्यक्षहरुले उद्घाटन हुने गरेको छ । कार्यक्रममा जिल्ला स्काउट कार्यालय मोरङका संयोजक प्रदिप कुमार बिस्वास, पुर्व महिला तालिम आयुक्त राधा कार्की , वरिष्ठ स्काउटर गोविन्द कुमार गडेरी, जिल्लाका सदस्यहरु, बरिस्ठ स्काउटर रोभर रेन्जरहरुको उपस्थिति रहेको थियो । संयोजक राजबंशीले आगामी कार्यक्रमहरु पनि बनाईएको र यो लगतै दोस्रो तेस्रो चरणको कार्यक्रम पनि सार्वजनिक गरिने जानकारी दिए ।
