विराटनगर महानगरपालिकामा पछिल्लो २४ घण्टामा ३९ जना नयाँ संक्रमित थपिएका छन् । थपिएका नयाँ संक्रमितमा १८ जना पुरुष र २१ जना महिला छन् । यो सँगै अहिले विराटनगरमा २ हजार २ सय ९५ जना सक्रिय संक्रमित रहेका छन् । सक्रिय संक्रमित मध्ये २ हजार १ सय ८५ जना होम आईसोलेसनमा बसिरहेका छन् ।
यसै गरि आज ४६ जनाको पिसिआर स्वाब संकलन भएको छ भने हालसम्म ५ हजार ४ सय ४३ जनाको स्वाब संकलन गरिएको छ ।
महानगरमा दोश्रो लहरको कोरोना संक्रमणमा १० हजार २ सय ८२ जना कोरोना भाईरसको संक्रमणमा परेका छन् । जसमध्ये ७ हजार ८ सय ९ जना संक्रमणमुक्त भएका छन् । यसै गरि १ सय ३९ जनाले संक्रमणका कारण ज्यान गुमाएका छन् ।
आज कति जनाले संक्रमण जिते भन्ने तथ्याकं महानगरले उल्लेख गरेको छैन ।
