विराटनगर । जिल्ला अदालत मोरङको परिसरमै सवारी दुर्घटनामा एक महिलाको मृत्यु भएको छ । विराटनगरस्थित अदालत परिसरमा कारको ठक्करबाट ४५ वर्षकी लक्ष्मी दाहालको मृत्यु भएको हो ।
बा १४ च ६०१६ नम्बरको कारले ठक्कर दिएपछि दाहाललाई उपचारका लागि कोशी अस्पताल लगिएको थियो । अस्पतालमा उपचारकै क्रममा उनको मृत्यु भएको मोरङ प्रहरीले जनाएको छ ।
मोरङ प्रहरीका एसपी जनार्दन जिसीका अनुसार जिल्ला अदालत मोरङको ५ नम्बर इजलासका न्यायाधीश इश्वर पराजुली चढ्ने कारले ठक्कर दिएको हो । कारका चालक न्यायाधीश पराजुलीका पिएसओ बिन्दकुमार सिंह रहेको बुझिएको छ ।
