विराटनगर । मोरङको ग्रामथान गाँउपालीका २ स्थित झोराहाट नजिकै हरिनगरा नहरमा कुहेको अवस्थामा एक शिशुको शव फेला परेको छ ।
नहरको पानी माथी तैरिरहेको अवस्थामा पहिचान खुल्न नसक्ने अवस्थामा अन्दाजी २ वर्षको शिशु भेटिएको जिल्ला प्रहरी कार्यालय मोरङका प्रहरी प्रवक्ता डिएसपी दिपक श्रेष्ठले जानकारी दिनुभयो ।
कम्मर भन्दा तलको भाग ृसढेकाले शवको पहिचान खुल्न नसकेको प्रहरीले जनाएको छ । जिल्ला प्रहरी कार्यालय मोरङका प्रहरी निरीक्षक मिलन थापा नेतृत्व टोली पुगेर शवको मुचुल्का उठाई थप अनुन्धान भईरहेको मोरङ प्रहरीले जनाएको छ ।
