विराटनगर।
ईलाम सुर्योदय नगरपालिका ६ हर्कटे चौकबाट प्रहरीले लाखौ भारतिया नोट सहित एक जनालाई पक्राउ गरेको छ । पक्राउ पर्नेमा ईलाम सुर्योदय नगरपालिका १० फिक्कल का ३५ बर्षीय अनुप अग्रवाल रहेका छन् ।
प्रहरी चौकी हर्कटेबाट खटिएको प्रहरी टोलीले अग्रवालले सवार गरेको मे १ च ६४२४ कारलाई चेकजाँच गर्ने क्रममा हिजो बेलुका ४ बजे अग्रवालको साथमा रहेको कालो ब्यागमा २ हजार, ५ सय, २ सय र १ सयको नोट गरि जम्मा भारतिय ११ लाख रुपिया फेला परे पश्चात उनलाई पक्राउ गरि ईलाका प्रहरी कार्यालय पशुपतिनगरमा राखिएको छ ।
पक्राउ परेका उनलाई कानुनि कारबाहीको लागी आन्तरिक राजस्व कार्यालय ईटहरीमा पठाउने पहल भईरहेको प्रदेश १ प्रहरी कार्यालय बिराट नगरले जनाएको छ ।
