विराटनगर ।
सुनसरी धरान उपमहानगरपालिका ३ बस्ने फरार प्रतिबादी ३८ बर्षीया रानी कुमारी साहलाई आज पक्राउ गरि सम्मानित जिल्ला अदालतमा बुझाईएको छ ।
वैकिंग कसुर मुद्धामा सम्मानित मोरङ उच्च अदालतबाट २०७६ माघ ६ गतेको सजाय निर्धारण फैसला आदेशले क्रमश : १ महिना कैद तथा रु.५,००,०००/- (पाँच लाख) जरिवाना भई लगत नं. ९३४९ मा कैद जरिवाना बेरुजु रहि असुल गर्न बाँकी रहेकी साहलाई खोजतलास गर्ने क्रममा प्रदेश नं १ प्रहरी कार्यालयबाट खटिएको प्रहरी टोलीले खोजतलास गर्दै जाँदा गाउँघरमा नै लुकिछिपी बसेको अबस्थामा उनलाई फेला पारी पक्राउ गरेको हो ।
पक्राउ परेकि साहलाई सम्मानित सुनसारी जिल्ला अदालतबाट कैद भुक्तानको लागी कारागार चलान गरेको प्रदेश १ प्रहरी कार्यालय विराटनगरले जनाएको छ ।
