उदयपुर । उदयपुरको चौदण्डीगढी नगरपालिका वडा ५ सुन्दरपुर स्थितमा टिपर संग ठक्कर लाग्दा मोटरसाईकल चालकको मृत्यु भएको छ । मृत्यु हुनेमा त्रियुगा नगरपालिका वडा १ बस्ने २५ बर्षिय गंगाराम चौधरी रहेका छन ।
बिहान ९ बजे चौदण्डीगढी वडा ५ भित्रि सडक खण्डमा प्रदेश १-०२-००१ क ३८९६ नम्वरको टिपरलाई स.१० प ८७९८ नम्वरको मोटर साईकलले ओभरटेक गर्ने क्रममा टिपर संग ठक्कर लागि दुर्घटना हुँदा मोटरसाईकल चालकको घटना स्थलमै मृत्यु भएको हो । सोही मोटरसाईकल पछाडि सवार निजको श्रीमती २४ बर्षिया संगिता चौधरी समेत घाईते भएकिमा फत्तेपुर अस्पतालमा उपचार भईरहेको छ ।
उक्त टिपर र चालक सुनसरी हरीपुर गाउँपालिका वडा ८ बस्ने सुनिल दाहाललाई इलाका प्रहरी कार्यालय बेल्टारले नियन्त्रणमा लिई थप अनुसन्धान गरिरहेको जनाएको छ ।
