विराटनगर । सुनसरीको इटहरीमा देशकै ठूलो इपी ल्याण्ड एण्ड वाटरपार्कमा होली विशेष कार्यक्रम हुने भएको छ । होलीको अवसर पारेर चर्चित गायक भी-टेनले इटहरीमा कन्सर्ट गर्न लागेका हुन् । यहि चैत्र ४ गते होलीको दिन उक्त कार्यक्रम हुन लागेको हो ।
शुक्रबार ११ बजे देखि चर्चित र्यापर भी-१० सहित डीजे बिधानले पनि उक्त कार्यक्रममा नचाउने तयारी रहेको इपी ल्याण्ड एण्ड वाटरपार्ककि निर्देशक बिनिता पौडेलले जानकारी दिईन । कार्यक्रमको टिकट दर रु ६ सय र १ हजार रहेको छ ।
इपी ल्याण्ड एण्ड वाटरपार्कमा वाटर पार्क, एम्युजमेन्ट पार्क, जिपलाइन, वाल क्लाइम्बिङ, एडभेन्चर पार्क, सुमो रेसलिङ र बडी जर्बको सुबिधा रहेको छ ।
