विराटनगर । नेकपा (माओवादी) बाट विराटनगरको उप–मेयर पदमा बागी उम्मेदवार नमिता न्यौपानेले आफ्नो उम्मेदवारी फिर्ता नलिने भएकी छन् ।
शुक्रबार आवर विराटनगरसँग कुरा गर्दै उनीले आफ्नो उम्मेदवारी फिर्ता नलिने बताएकी हुन् । उनीले भनिन्, ‘प्रचण्डले फोन गरेपनि उम्मेदवारी फिर्ता लिन्न । मेरो उम्मेदवारीले गठबन्धनलाई कुने क्षति गर्दैन् ।’ न्यौपाने नेकपा (माओवादी केन्द्र) विराटनगर महानगर कमिटीकी सचिव हुन् । यसअघि २०७४ सालको स्थानीय निर्वाचनमा पनि उनी उपमेयर पदकी उम्मेदवार थिईन् । त्यतिबेला अत्याधिक मत बदर भएर आफ्नो निकटतम प्रतिद्वन्दी काँग्रेसकी इन्दिरा कार्कीसँग उनी ८ हजार ६२२ मतले पराजित भएकी थिईन् ।
यसपटक अवस्था फेरिएकाले माओवादीले उपमेयरमा जित हाँसिल गर्नसक्ने उनको दाबी छ । उनीले भनिन्, ‘पछिल्लो राजनितिक घटनाक्रमले अवस्था परिवर्तन भएको छ । विराटनगरको हकमा माओवादीको पकड अझ सशक्त भएको छ । हामी जित्न सक्छौं ।’
प्रतिस्पर्धाभन्दा पनि मेयर वा उपमेयरमा एकजना महिला हुनुपर्ने संवैधानिक व्यवस्थाको रक्षार्थ पनि आफुले उम्मेदवारी दिएको न्यौपानेको भनाई छ ।
