विराटनगर । सुनसुरीमा खटिएको सशस्त्र प्रहरीले मिनि ट्रकमा लोड गरि भारत तस्करी हुन लागेको ठुलो परिमाणको गाँजा सहित तीन जनालाई पक्राउ गरेको छ ।
सशस्त्र प्रहरी बल सुनसरीबाट खटिएको टोलिले शुक्रबार राति भोक्राहा नरसिंह गाउँपालीका क्षेत्रबाट सशस्त्र प्रहरीले १४८ केजी गाँजासहित उनीहरूलाई नियन्त्रणमा लिएको हो ।
धनकुटाबाट प्रदेश १ –०२००१ ख ८६१४ नम्बरको मिनि ट्रकमा भारततर्फ तस्करी गरि लैजान लागेको ६ बोरा गाँजा सशस्त्र प्रहरीले बरामद गरेको प्रहरीले जनाएको छ । गाँजासहित पक्राउ पर्नेमा धनकुटा जिल्ला शहिदभूमि गाउँपालीका ४ बस्ने वर्ष ३६ का हेमप्रसाद राई, शहिदभूमि गाउँपालीका २ बस्ने ३६ का हिकमत राई र सोही स्थान बस्ने वर्ष ३५ का आशिष राई रहेका छन् ।
सशस्त्र प्रहरी बल सुनसरीका एसपी बिक्रम हुमागाईको नेतृत्वमा खटिएको टोलिले भोक्राहा नरसिंह क्षेत्रबाट प्रदेश १ –०२००१ ख ८६१४ नम्बरको मिनि ट्रकबाट १४८ केजी गाँजासहित चालक हेमप्रसाद राईलाई नियन्त्रणमा लिएको छ । सशस्त्र प्रहरीले गाँजा नियन्त्रणमा लिएपछि को ४० प २२११ नम्बरको मोटरसाइकलमा पाँचलाख रुपैयाँसहित मिलाउन भन्दै आएका हिकमत राई र आशिष राई लाई सशस्त्र प्रहरीले पक्राउ गरेको छ ।
