विराटनगर । खोटाङमा २ युवाहरुले बालेन शाहको जित र हारलाई लिएर बाजी राखेका छन्।
काठमाडौं महानगरपालिका मेयर पदका स्वतन्त्र उम्मेदवार बालेनको जित र हारलाई लिएर खोटाङको रुपाकोट मझुवागढी नगरपालिका-५ का विजय फुँयाल र रमेश खड्काले लिखित कागज गरेर २८ केजीको खसी बाजी राखेका हुन्।
उनीहरुले गरेको कागज अनुसार यदि बालेन शाहले मेयर पदमा जिते रमेशले २८ केजीको खसी विजयलाई दिने र बालेनले हारे विजयले २८ केजी खसीको मूल्य भुक्तानी गर्ने सहमति भएको छ ।
