विराटनगर इन्टरनेसनल कलेजमा हरेक बर्ष झैँ यस वर्ष पनि दशैँ विशेष कार्यक्रम आयोजना हुने भएको छ । कलेजमा अशोज ७ गते शुक्रबारका दिन दशैँ कार्निभल आयोजना हुन लागेको हो ।
उक्त कार्निभलमा चर्चित ब्याण्ड "मन्त्र" को बिशेष प्रस्तुति कलेजका बिद्यार्थीहरुको लागि हुनेछ भने कलेजका बिद्यार्थीहरुको गायन तथा नृत्य , बिभिन्न खेल र खानाका स्टलहरु पनि राखिने कार्यक्रम रहेको कलेजका अपरेशन प्रमुख बिबेक दाहालले जानकारी दिए । साथै कार्यक्रममा लाखे नृत्य,चङ्गा चेट साथै दशैँको मौलिक झझल्को दिने बिभिन्न जानकारीमुलक सामग्री पनि राखिने छ ।
कलेजमा इन्टरनेसनल बिजनेस म्यानेजमेन्ट र इन्टरनेसनल हस्पिटालिटी म्यानेजमेन्टका बिद्यार्थीहरुले उक्त कार्यक्रमको पूर्ण ब्यवस्थापन गर्ने दाहालले बताए । कलेजका बिद्यार्थी प्रभात थापा र रश्मि अटलले कार्यक्रम संयोजन गर्ने छन् ।
सबै उपस्थित बिद्यार्थी तथा कलेजका सम्पूर्ण टिमले आफ्नो संस्कृति झल्किने पोशाक लगाएर "इथिनिक डे" मनाउने पनि कलेजको कार्यक्रम रहेको छ । नेपालीहरुको महान चाड बडा दसैँको अवसरमा बिद्यार्थीहरुका लागि मनोरंजन साथै आफ्नो प्रतिभा देखाउने माध्यमको रुपमा कार्यक्रम हुन लागेको कलेजका प्रमुख कार्यकारी डा. ऋषिकेश वाग्लेले बताए ।
बिराटनगर इन्टरनेशनल कलेजमा बिगत ८ वर्षदेखि इन्टरनेशनल बिजनेस म्यानेजमेन्ट (बिआइबिएम) र बिगत २ बर्ष देखि इन्टरनेशनल हस्पिटालिटी म्यानेजमेन्ट पढाइ हुदै आएको छ ।
इनोभेट नेपाल ग्रुपको व्यस्थापनमा संचालित यस कलेजले विदेश नै गएर ठुलो लगानीमा अन्तरास्ट्रिय शिक्षा लिनुपर्ने बाध्यतालाई चिर्दै नेपालमै बेलायतका कोर्ष सर्वसुलभ खर्चमा पढाउदै आएको छ ।
