विराटनगर । नेपाली क्रिकेटका पुर्व कप्तान सन्दिप लामिछाने आज नेपाल फर्केका छन् । उनीमाथि नाबालिगको बलात्कारको आरोप लागेपछि उनी नेपाल फर्केका हुन् ।
उनलाई विमानस्थलमा 'हतकडी' लगाएर प्रहरीले पक्राउ गरेको थियो जस्को अहिले सामाजिक सञ्जालमा आलोचना पनि भइरहेको छ ।
आवर विराटनगरले उक्त विषयमा एक प्रहरी अधिकारीलाई गरेको प्रश्नमा उनले भने' कुनैपनि फौजदारी अभियोग लागेको आरोपितलाई हतकडी लगाउनुपर्ने नियम रहेको हुन्छ' सन्दिपलाई मात्रै नलगाउने भन्ने नहुने उनले जिकिर गरे । 'कुनैपनि व्यक्तिलाई फौजदारी अभियोगमा आरोपित भए मात्रै पनि हतकडी लगाएर नियन्त्रणमा लिनुपर्ने हुन्छ' उनले थपे ।
गएको भदौ २१ गते एक नाबालिगले सन्दीपविरुद्ध बलात्कारको जाहेरी दिएकी थिइन् । भदौ ५ गते सन्दीपले बलत्कार गरेको जाहेरीमा उल्लेख छ ।
उनी विरुद्ध नेपाल प्रहरीको आग्रहअनुसार अन्तर्राष्ट्रिय प्रहरी संगठन इन्टरपोलले डिफ्युजन नोटिस जारी गरेको थियो ।
