विराटनगर । प्रदेश १ का सडक पूर्वाधार तथा शहरी विकासमन्त्री दुर्गा प्रसाद चापागाँइले प्रदेश सरकारले आफ्नो क्षेत्राधिकार भित्र रहेर उल्लेखनिय काम गरेको बताएका छन् । शुक्रबार मोरङको बेलबारी–४ स्थित लिम्बू चौक र सभापुर जोड्ने नवनिर्मित पुल उद्धघाटन कार्यक्रममा सम्बोधन गर्दै मन्त्री चापागाइले यस्तो बताएका हुन् ।
प्रदेश सरकारको औचित्य माथि केही राजनीतिक दलका व्यक्ति उठाएका भ्रम निराधार रहेको समेत बताएका छन् । मन्त्री चापागाइले प्रदेश सरकार गठन भएयता प्रशासनिक, विकास निर्माणका कुराहरुमा जनता सहजै पुग्न सक्ने अवस्था सृजना भएको दाबी गरे ।
