विराटनगर । सप्तकोशी सिमेन्ट प्रा. लि र विराटनगर आँखा अस्पतालको सहकार्यमा एकदिने निःशुल्क आँखा शिविर सम्पन्न भएको छ ।
शनिबार मोरङको कटहरी गाउँपालिका–४ स्थित सुधामा श्री आधारभूत विद्यालयमा निःशुल्क आँखा शिविर सम्पन्न भएको हो ।
शिविरमा अस्पतालका आँखा विशेषज्ञ चिकित्सकहरुले निःशुल्क जाँच गरेका थिए । निःशुल्क आँखा शिविरमा ३ सय ९१ जनाले आँखा जाँच गराएको कम्पनीले जनाएको छ ।
परीक्षणमा आएका सेवाग्राहीमध्ये ३९ जना मोतियाविन्दुका बिरामीहरु रहेका थिए । मोतियाविन्दु भएका बिमारीहरुको नि:शुल्क उपचार गरिदिने कम्पनीले जनाएको छ।
बिरामीहरुलाई औषधी समेत निःशुल्क प्रदान गरिएको थियो ।
