सिरहा, भाद्र १५
सिरहाको लहान-८ मा मंगलबार ग्याँस सिलिन्डर पड्किएर एक घरमा आगलागी हुँदा एक बालिका घाइते भएकी छिन् भने अन्दाजी २४ लाख ९५ हजार बराबरको क्षति भएको छ।
मंगलबार दिउँसो १;४५ बजे तिर स्थानीय सुर्य नारायण साहुको घरमा खाजा पकाउने क्रममा अचानक ग्याँस पड्किएर आगलागी भएको हो।
आगलागीबाट सोही ठाउँका नरेन्द्र बहादुर साहकी १२ बर्षिया छोरी अन्जली कुमारी साह घाइते भएकी छिन् भने सुर्य नारायण साहुको २ तले पक्की घर घरभित्र भएको नगद रु ५ लाख तथा सम्पूर्ण सामान समेत जलेको छ भने सोही घरमा भाडामा बस्दै आएका भिखन साहको अन्नपात तथा सम्पुर्ण सामान, तथा सोही ठाउँका तेजनारायण चौधरीको पानी तान्ने पाईप, सुरेश यादबको झ्यालको शिशा समेत फुटेर अन्दाजी २४ लाख ९५ हजार बराबरको क्षति भएको बताइएको छ।
आगलागी नेपाल प्रहरी, सशस्त्र प्रहरी, स्थानीय मानिस, तथा दमकलको सहयोगमा नियन्त्रणमा आएको इलाका प्रहरी कार्यालय लहानले जनाएको छ।
