उदयपुर । उदयपुरको त्रियुगा नगरपालिका-८ स्थितमा सवारी दुर्घटना हुँदा मोटरसाईकल चालकको मृत्यु भएको छ ।
आज बिहान साढे १० बजे नेपालटारबाट सदरमुकाम तर्फ आउदै गरेको प्रदेश १-०५-०१ क ००३५ नम्बरको ट्रकमा सोही दिशा तर्फ आउदै गरेको को.२८ प ७०८६ मोटरसाईकल ठक्कर लागि दुर्घटना हुँदा घाईते भएका मोटरसाईकल चालक उदयुरगढी-६ का ३४ बर्षीय रत्न कुमार तामाङ र पछाडि सवार उनकै ३३ वर्षीया श्रीमती उर्मिला तामाङलाई उपचारको लागि जिल्ला अस्पताल गाईघाट ल्याईएकोमा उपचारको क्रममा रत्न कुमार तामाङको मृत्यु भएको हो ।
दुर्घटनामा संलग्न ट्रक र ट्रक चालक ४० वर्षीय बिनोद कुमार चौधरीलाई जिल्ला प्रहरी कार्यालय उदयपुरले नियन्त्रणमा लिई घटना सम्बन्धमा थप अनुसन्धान भईरहेको प्रहरीले जनाएको छ।
