सुन्दरहरैँचा । माेरङकाे सुन्दरहरैँचा ७ गाेठगाउँ स्थित श्री शिव पाञ्चायन मन्दिरमा महाशिव रात्रीको अवसरमा शिवरात्री मेला हुने भएको छ।
उक्त अवसरमा विभिन्न धार्मिक गतिविधीहरूका साथ भगवान शिवको प्रतिमा अनन्त श्रीविभूषित जगतगुरू बालसन्त मोहनशरण देवाचार्यको बाहुलिबाट अनावरण गरिने कार्यक्रम रहेकाे मन्दिर व्यवस्थापन समितिका अध्यक्ष पाेष्टकुमार श्रेष्ठले जानकारी दिए । आयाेजकले पत्रकार सम्मेलन गरि श्री शिव पाञ्चायन मन्दिरले फागुन २५ गते महाशिवरात्रीको दिन बिहान ५ बजेदेखि पूजा आराधना गर्ने उल्लेख गरेको छ । साथै ८ः३० बजे शिव प्रतिमा अनावरण, १० बजेदेखि होम होमादी, अपरान्ह ४ बजे प्रसाद ग्रहण, साँझ ६ बजे शिव आरती र राती ८ बजेदेखि भजन किर्तन गरिने महाशिवरात्री पूजा समितिका सचिव मिलन लुईंटेलले बताए ।
पत्रकार सम्मेलनकाे कार्यक्रम महा शिवरात्री मेला समिति अध्यक्ष तुलसा आचार्यको अध्यक्षतामा भएको थियो।
