गौरादह कार्तिक १३, झापाको गौरादहमा लायन्स क्लब अफ गौरादहको आयोजनामा तिहार-छठ शुभकामना सांगीतिक कार्यक्रम सम्पन्न भएको छ । कार्यक्रममा चर्चित गायक प्रमोद खरेल , गायिका टीका प्रसाईं र पुर्वका चर्चित हास्यकलाकार पारस थापाले दर्शकलाई भरपुर मनोरञ्जन दिएका थिए । कार्यक्रममा लायन्सका पदाधिकारी लगायत गौरादहका स्थानियको उपस्थिति रहेको क्लबका अध्यक्ष डा. तिलक खनालले जानकारी दिनुभयो । क्लबले च्यारीटिका लागि कार्यक्रम आयोजना गरेको खनालले बताउनुभयो ।
