विराटनगर । विराटनगरको सर्कल अफ फिप्तस व्याण्डले भर्चुअल व्याटल अफ द व्याण्डसको उपाधि जितेको छ।
भर्चुअल माध्यमबाट विश्वमा नै पहिलोपटक आयोजना भएको उक्त प्रतियोगिताको उपाधि विराटनगरको व्याण्डले जितेको हो।
त्यसैगरी द आफ्टर म्याथ द्वितीय र तृतीय डाइसेक्टेड सोल्ज भएको छ। प्रतियोगिताको विजेताले ३ लाख रुपैयाँ,द्वितीय हुनेले २ लाख रुपैयाँ र तृतीय हुने व्याण्डले १ लाख रुपैयाँ नगद,प्रमाणपत्र र ट्रफी प्राप्त गरेका छन्।
नेपाली गिटार ट्युटोरियल,संगीत पाठशाला र एमआई एमपी अष्ट्रेलियाको संयुक्त आयोजनामा भएको खुल्ला प्रतियोगीतामा ७२ वटा व्याण्डको सहभागीता रहेको थियो। ७२ वटा व्याण्ड मध्ये उत्कृष्ट ७ व्याण्ड फाइनलका लागि छनोट भएका थिए।
