विराटनगर । विराटनगर ९ मा रहेको फ्रेन्ड्स कर्नर रेष्टुरेन्ट एण्ड लजमा मोरङ रतुवामाई नगरपालिकाका एक जना व्यापारी मृत भेटिएका छन् ।
रतुवामाई नगरपालिका ५ लारिकट्टा घर भई रंगेली २ बेतौनामा होलसेलको किरना पसल गर्दै आएका वर्ष ३३ का गजेन्द्र साह शुक्रबार बिहान झुन्डिएको अवस्थामा शव भेटिएको हो ।
परिवार र आफन्तहरुले घटना रहस्यमय रहेको भन्दै घटनाको अनुसन्धान गर्न माग राखेका छन् । व्यापारी साह सो होटलमा बिहीबार दिउँसो २ बजे आएका थिए । उनी २०४ नम्बरको कोठामा बसेको प्रहरीले जनाएको छ।
प्रहरीले घटनाको विस्तृत अनुसन्धान गरिरहेको र थप जानकारी संकलन गरिरहेको जनाइएको छ।
