मोरङ, मंसिर १२
मोरङको कोशिहरैचा-१ स्थित केराबारीमा शनिबार बसको ठक्करबाट मोटरसाइकलमा सवार दुईजना घाइते भएका छन्।
घाइते हुनेमा मोटरसाइकल चालक इलाम-४ घर भएका २४ बर्षिय महेश विश्वकर्मा र पछाडी सवार उनकै ठूलो बुबा ६० बर्षिय गोबिन्द विश्वकर्मा रहेका छन्। उनीहरु सवार को २७ प ३७७२ नम्बरको मोटरसाइकललाई को १ ख १४३६ नम्बरको बसले अपरान्ह ४ बजेतिर ठक्कर दिएको थियो।
ठक्करबाट गम्भिर घाइते भएका दुवैको न्युरो अस्पताल विराटनगरमा उपचार भइरहेको छ भने बसका चालक फरार रहेकाले प्रहरीबाट खोजी भइरहेको इलाकला प्रहरी कार्यालय बेलबारीले जनाएको छ।
