झापा, फाल्गुन १६ गते।
झापाको दमकमा सोमबार मोटरसाइकल दुर्घटनामा परी एक जनाको ज्यान गएको छ भने एक जना घाइते भएका छन्।
मृत्यु हुनेमा झापा दमक-८ बस्ने अन्दाजी ४० वर्षिय राम विश्वकर्मा रहेका छन। त्यस्तै घाइते हुनेमा मोटरसाइकलका चालक ईलाम चुलाचुली-८ बस्ने वर्ष ४५ को राम राई रहेको इलाका प्रहरी कार्यालय दमकले जनाएको छ।
दिउँसो करिब १२३० बजे दमक-३ देबानचोक स्थित भित्री सडक खण्डमा को.२२ प १४ नम्बरको मोटरसाइकल अचानक अनियन्त्रित भई दुर्घटना हुँदा पछाडी सवार रहेका विश्वकर्माको घटनास्थलमै मृत्यु भएको हो।
घाइते चालकको अवस्था सामान्य रहेको उक्त कार्यालयले जनाएको छ।
