ताप्लेजुङ, फाल्गुन २६
ताप्लेजुङको साँवा-५ बस्ने शुक्रराज विश्वकर्माको घरमा बुधबार विहान आगलागी भएको छ।
आगलागीबाट विश्वकर्माको फुसको छानो भएको २ तल्ले घर , घर भित्र भएको सुन चाँदी, लता कपडा तथा सम्पूर्ण सामान समेत जल्दा अन्दाजी ४ लाख ४७ हजार बराबरको क्षति भएको छ भने नजिकै रहेको चन्द्रमान विस्वकर्माको घर तथा घर भित्र भएको सम्पूर्ण समान समेत जल्दा १ लाख ४४ हजार बराबरको क्षति भएको छ।
आगोले स्थानिय मानिसहरुको १४ रोपनी जग्गामा लगाएको ३ लाख बराबरको अलैची समेत जल्दा जम्मा ८ लाख ९१ हजार बराबरको धनमाल जलेर नष्ट भएको प्रहरीले जनाएको छ। आगागी प्रहरी र स्थानिय मानिसहरुको सहयोगमा नियन्त्रणमा लिएको प्ररही चौकी लिवाङले जनाएको छ।
