सुनसरी चैत्र २७
सुनसरीको धरानबाट प्रहरीले लागूऔषधसहित शनिबार दुई जनालाई पक्राउ गरेको छ।
पक्राउ पर्नेमा सुनसरी धरान उप महानगरपालिका १७ बस्ने ३० बर्षिय टिकाराम राई र धरान उप महानगरपालिका ८ बस्ने २० बर्षिय बिशन राई रहेका छन्।
अस्थायी प्रहरी पोष्ट तीनकुनेबाट खटिएको प्रहरी टोलीले बिराटनगरबाट धरान आउँदै गरेको को १ ख ४१८४ नम्बरको बसमा चेकजाँच गर्ने क्रममा टिकारामको साथबाट लागूऔषध फेला पारी नियन्त्रणमा लिईएको हो।
उनको साथबाट प्रहरीले एभिल-४ पिस, डाईजेल्याव -४ पिस ,फेनरागन-५ पिस लुपिजेसिक-३ पिस फेलापारी बरामद गरेको हो।
त्यस्तै बिशन राईलाई अस्थायी प्रहरी पोष्ट बरगाछीबाट खटिएको टोलीले बिशन राईको साथबाट सय थान नाईट्रोसन ट्याब्लेट फेलापारी बरामद गरेको हो।
पक्राउ परेका दुबैजनालाई इलाका प्रहरी कार्यालय धरानमा राखि थप अनुसन्धान भईरहेको उक्त कार्यालयले जनाएको छ।
