जाजुसी गरेको आरोपमा भारतका नागरिकलाई पाकिस्तानले मृत्युदण्ड दिने फैसला गरेपछि दुई देशबिचको सम्बन्ध झनै चिसिएको छ ।
भारतीय विदेशमन्त्री सुष्मा स्वराजले आफ्नो नागरिकलाई मृत्युदण्डको सजायबाट बचाउन भारत जुनसुकै हदसम्म जान सक्ने संसदमा बताउनुभएको भारतीय सञ्चारमाध्यमले जनाएका छन् ।
भारतको यो प्रतिक्रियालाई लिएर पाकिस्तानका अधिकारीले भने भारतले कुनै कदम चाले आफूहरु पनि चुप लागेर नबस्ने र पाकिस्तानले त्यसको जवाफ दिने बताएका छन् । तर पाकिस्तानी नागरिकमा भने यो विषयलाई लिएर चिन्ता बढेको छ ।
भारतले सैन्य कारबाही गर्ने वा कुटनीतिक रुपमा कुनै कडा कारबाही गर्ने हो भन्ने बारेमा पाकिस्तानी नागरिकमा भय छाएको हो । पाकिस्तानका रक्षामन्त्रीका अनुसार मृत्युदण्ड पाएका कुलभूषणले अब सैन्य कानुनअन्तर्गत रहेर ४० दिनभित्र यो निर्यणविरुद्ध अपिल गर्न सक्नेछन् ।
