विराटनगर बैशाख ९
रगतको क्षेत्रमा कार्य गरिरहेको युथ फर ब्लड मोरङ शाखाले शनिबार मोरङको लेटाङ नगरपालिकामा एक दिने रक्तदान तथा युथ फर ब्लडको काम कार्वाही सम्बन्धि प्रशिक्षण कार्यक्रम आयोजना गरेको छ । लेटाङस्थित एभरेस्ट मल्टिटेक्निकल कलेजमा भएको कार्यक्रममा युथ फर ब्लडका राष्ट्रिय उपाध्यक्ष बिबेक दाहाल तथा युथ फर ब्लड मोरङकि सदस्य मनिसा कार्कीले लेटाङका युवाहरुलाई प्रशिक्षण दिएका थिए ।
करिब २५ जनाको उपस्थित रहेको उक्त कार्यक्रमबाट लेटाङमा पनि रगत सचेतनाको लागि युथ फर ब्लड लेटाङ शुरु गरिने सहमति पनि भएको युथ फर ब्लड लेटाङका सदस्य आशिष ढकालले बताए ।
