विराटनगर। विराटनगरस्थित एभरेस्ट स्कूलले आज आफ्नो प्रतिभाशाली विद्यार्थीहरूको पुरस्कार वितरण समारोह सफलतापूर्वक सम्पन्न गरेको छ।
समारोहमा विद्यार्थीहरूलाई विविध अतिरिक्त पाठयक्रम र पाठ्यक्रमबाहेक गतिविधिमा उत्कृष्ट प्रदर्शनका लागि पदक तथा प्रमाणपत्र प्रदान गरियो। विद्यालयका प्रधानाचार्य तिकराम पुरीले पुरस्कार वितरण गर्दै विद्यार्थीहरूको मेहनत, लगनशीलता र प्रतिभालाई उच्च मूल्यांकन गरे। उनले भने, “तपाईंहरूको उत्साह, समर्पण र प्रतिभा कक्षाभित्र मात्र नभई बाहिर पनि चम्किरहेको छ। यस्ता उपलब्धिहरूले विद्यालयको नाम र गौरव बढाउँछन्।”
विद्यालयले विद्यार्थीहरूको कौशल, प्रतिभा र सक्रियता प्रोत्साहन गर्न यस प्रकारको कार्यक्रम नियमित रूपमा आयोजना गर्दै आएको छ। विद्यालयले सबै विजेताहरूलाई बधाई दिंदै उज्ज्वल भविष्यका लागि शुभकामना दिएको छ।
