सुनसरी, २१ बैशाख । सुनसरी प्रहरीले धरानको छुट्टा छुट्टै दुई स्थानबाट बुधबार लागूऔषधसहित दुई जनालाई पक्राउ गरेको छ।
पक्राउ पर्नेमा धरान-१० बस्ने ३६ बर्षिया कला लिम्बु र धरान-१६ बस्ने २० बर्षिय जिबन खड्का रहेका छन्।
इलाका प्रहरी कार्यालय धरानबाट खटिएको प्रहरीको टोलीले लिम्बुको घर शंका लागी चेकजाँच गर्ने क्रममा ३६ सेट टी.टी. बरामद भएको थियो भने अस्थायी प्रहरी पोष्ट बरगाछीले खड्कालाई पैदल हिडिरहेको अवस्थामा धरान-८ बाट पक्राउ गरेको हो।
उनको साथबाट प्रहरीले शरिरमा लुकाई छिपाई राखेको टी.टी ५ पिस, नाईट्रोजन ८ पिस र ५ खिलि गाँजा बरामद गरेको छ।
पक्राउ परेका दुवै जनालाई इलाका प्रहरी कार्यालय धरानमा राखी थप अनुसन्धान भइरहेको प्रहरीले जानएको छ।
