झापाको मेचीनगर नगरपालिका ६ भन्सारस्थित मुलगेटबाट प्रहरीले आईतबार भारतीय रुपैयाँसहित एक जना भारतीय नागरिकलाई पक्राउ गरेको छ।
बिशेष सुराकीको आधारमा लागूऔषध नियन्त्रण ब्यूरो र इलाका प्रहरी कार्यालय काकँडभिट्टाबाट खटिएको संयुक्त टोलीले भारतीय रुपैयाँसहित भारत सिक्किम बस्ने २१ बर्षिय दिवन सुब्बालाई पक्राउ गरेको हो।
सुब्बाको साथबाट प्रहरीले भारतीय ३ लाख ३३ हजार ६ सय ४० रुपैयाँ बरामद गरेको इलाका प्रहरी कार्यालय काँकडभिट्टाले जनाएको छ।
शरिरको बिभिन्न भागमा लुकाई छिपाई नेपालतर्फ आउँदै गरेका उनलाई शंकालागी चेकजाँच गर्ने क्रममा उक्त भारतीय रुपैयाँ फेलापारी नियन्त्रणमा लिईएको हो।
पक्राउ परेका उनीउपर थप अनुसन्धान भईरहेको उक्त कार्यालयले जनाएको छ।
