विराटनगर । सशस्त्र प्रहरी बल नेपाल नं. ३ गण हेडक्वाटर कंकालिनी मोरङ्गबाट खटिईएको टोलीले भारतबाट अबैध रुपमा भन्सार छली नेपाल भित्र्याएको पाँच लाख ७४ हजार ४७९ रुपिँयाको सामानसहित प्रदेश १–०२–००२ ह ९६८१ नम्बरको अटो नियन्त्रणमा लिइएको छ ।
लत्ताकपडा र किराना सामानसहित बोकेको अटोको भन्सार मुल्य ४ लाख समेत गरेर जम्मा ९ लाख ७४ हजार ४७९ बराबरको सामान भन्सारमा बुझाइएको हो ।
यसैगरी सशस्त्र प्रहरी बल नेपाल बिओपि डोरियाबाट १ वटा गाई र १ वटा बाछा र अन्य मातहत कार्यलयबाट किराना सामानहरु समेत बरामद गरेर भन्सार दाखिला गरिएको छ । यसरी नियन्त्रणमा लिइएको थप पशु तथा सामानको समेत गरी जम्मा भन्सार मूल्य १० लाख १५ हजार ६७९ रहेको छ ।
