सप्तरी, जेठ १४ गते
सप्तरीको बिसनपुर ७ स्थित बिसनपुरकट्टी चौकबाट प्रहरीले एक थान पेस्तोलसहित शनिबार एक युवकलाई पक्राउ गरेको छ।
बिशेष सुराकीको आधारमा वडा प्रहरी कार्यालय राजबिराजबाट खटिएको टोलीले सोही ठाउँ बस्ने १९ बर्षिय आदित्य शर्मालाई पक्राउ गरेको हो।
उनको साथबाट प्रहरीले इन्डियन पेस्तोल १ थान, सोही पेस्तोलको गोली २ राउण्ड, शर्माले प्रयोग गर्दै आईरहेको अन टेष्ट मोटरसाईकल र ५ सय ग्राम गाँजा बरामद गरेको छ।
पक्राउ परेका उनीउपर थप अनुसन्धान भईरहेको जिल्ला प्रहरी कार्यालय सप्तरीले जनाएको छ।
