सुनसरीको ईटहरी उप-महानगरपालिका १४ एकाम्बा स्थित जन्ती लिएर जाँदै गरेको ट्याक्टर अनियन्त्रित भई दुर्घटना हुँदा ७ जना घाईते भएका छन् ।
सुनसरी मोरङ सिंचाई आयोजना अन्तर्गत भित्री सडक खण्डमा उब्दीबाट एकम्बा जाँदै गरेको को १ त ५८४६ नम्बरको ट्याक्टर आँफै अनियन्त्रित भई सडकमा पल्टिएको थियो।
दुर्घटनामा परी ट्याक्टरमा सवार १३ जना मध्ये ७ जना घाईते भएका छन्। घाईते उनीहरुलाई उपचारकालागी बिपी कोईराला स्वास्थ्य बिज्ञान प्रतिष्ठान धरान पठाईएको इलाका प्रहरी कार्यालय पकलीले जनाएको छ।
ट्याक्टरका चालक सुनसरी रामधुनी नगरपालिका २ बस्ने विषम ऋषिदेव तत्काल फरार रहेकोले खोजीकार्य भईरहेको छ।
