झापा, कार्तिक १५ , झापाको भद्रपुर नगरपालिका-१० स्थित सतार बस्तीमा मंगलबार हात्तीको आक्रमणबाट एक जनाको ज्यान गएको छ।
ज्यान गुमाउनेमा भद्रपुर नगरपालिका-९ बस्ने अन्दाजी ३५ बर्षिय दुर्गा बहादुर कट्वाल रहेका छन्। बेलुका ७ बजेतिर चाराली जंगलबाट आएका हात्ती लखेट्ने क्रममा हात्तीले किचेर उनी गम्भिर घाइते भएका थिए।
घाइते कट्वालको मेची अञ्चल अस्पताल भद्रपुरमा उपचारको क्रममा मृत्यु भएको जिल्ला प्रहरी कार्यालय झापाले जनाएको छ।
