सुनसरी, मंसिर १५ , सुनरीको धरान उप-महानगरपालिका ७ स्थित पानबारी बस स्टेन बस्ने २ जनालाई प्रहरीले बिहीबार लागूऔषध र पटकासहित नियन्त्रणमा लिईएको छ। बस स्टेनस्थित बद्री शाहीको घर कोठा भाडामा लिएर बस्दै आईरहेका सोही ठाउँको ४१ बर्षिय किशन श्रेष्ठ र २९ बर्षिय केवल कार्कीलाई पक्राउ गरेको हो ।
बिशेष सुराकीको आधारमा संघिय प्रहरी ईकाई कार्यालय र इलाका प्रहरी कार्यालय धरानबाट खटिएको टोलीले श्रेष्ठ बस्दै आईरहेको कोठाबाट लागूऔषध डाईलेक्स १५ बोतल, नगद नेपाली १ लाख १३ हजार ६ सय ६५ रुपैँया, भारु २ सय, मोबायल २ थान त्यस्तै बिभिन्न पटकाहरू ५ थान रकेट बम, १२ थान चक्लेट बम, ४ थान आलु बम, ७ थान चक्रबम ,२ थान सिवकारणी बम समेत फेला पारी बरामद गरिएको छ।
पक्राउ परेका उनीहरुला इलाका प्रहरी कार्यालय धरानमा राखी आवश्यक अनुसन्धान भईरहेको इलाका प्रहरी कार्यालय धरानले जनाएको छ।
