मोरङ, पौष १० गते। बेलबारी नगरपालिका-९ स्थित सवापुर बस्ने चन्द्र बहादुर राईको १ तले गोठमा आइतबार आगलागी भएको छ।
बेलुका ८;४० बजे अचानक लागेको आगोले उनको काठपात तथा अन्न समेत जल्दा अन्दाजी २ लाख बराबरको क्षति भएको बताइएको छ।
आगलागी इलाका प्रहरी कार्यालय बेलबारीबाट खटिएको प्रहरीको टोली र स्थानिय मानिसहरुको सहयोगमा नियन्त्रणमा लिएको प्रहरीले जानएको छ। यता सुनसरीको हारीनगरा गाउँपालिका-२ भुटाहा बस्ने ताहिर सिद्दिकीको गाई गोठमा समेत आगलागी भएको छ।
राती १;३० बजे गोठमा बालेको घुरबाट अचानक सल्केको आगोले उनको १ वटा गाईको जलेर मृत्यु भएको छ। आगलागीको थप विवरण आउन बाँकी रहेको प्रहरी चौकी भुटाहाले जनाएको छ।
