सर्लाहीको विभिन्न स्थानमा चिसोबाट प्रभावित परिवारलाई धुर्मुस-सुन्तली फाउण्डेसनले आज कम्बल वितरण गरेको छ ।एनआरएनए आरसी चाइनाको सहयोगमा फाउण्डेसनले लालबन्दी नगरपालिका र बागमती नगरपालिकाको विभिन्न वडामा चिसोबाट कठयाङग्रिंएका मुसहर, विपन्न र दलित परिवारलाई प्रति परिवार दुई थानका दरले कम्बल वितरण गरेको हो ।
कलाकार एवं सामाजिक अभियन्ता द्धोय सीताराम कट्टेल धुर्मुस र कुञ्जना घिमिरे सुन्तली आफै उपस्थित भई कम्बल वितरण गरेका हुन् ।
यस्तै फाउण्डेसनले सर्लाहीको घुर्कौलीमा रहेको द्धन्द्ध पीडित बाल गृह र हरिवनमा रहेको सर्भिस फरपिस नेपाल सुखेपोखरीद्धारा सञ्चालित बाल गृहमा पनि कम्बल वितरण गरेको छ । फाउण्डेसनले सर्लाहीमा चिसोबाट प्रभावित भैरहेका करिव साँढे चार सय परिवारलाई कम्बल वितरण गर्ने योजना बनाएको छ ।
लालबन्दी नगरपालिका–५ रञ्जितपुरमा मुसहरहरुलाई कम्बल वितरण गर्दै समाजिक अभियन्ता धुर्मुसले समस्यामा परेका विपन्न परिवारलाई यसरी सहयोग गर्न पाउँदा आनन्द मिल्ने गरेको बताए ।
